证无綫冇搵过做港姐 曾志伟自爆遭封杀原因：累积，祸从口出

曾志伟现身「香港人撑香港品牌」3周年活动担任嘉宾，亦是他被指遭无綫封杀后首度现身。问为何晒得一身古铜肤色？志伟笑说：「入正题啦！唔好讲埋啲无谓嘢喇！（真系想知你做乜咁黑？）周围搵嘢做罗，俾人封杀，唔使搵嘢做咩！世界难捞，唔系想做就有得做。」问到可有求证是否被封杀？他笑说：「我信报道嘅，我唔知，不过就系无搵我。」
提到Viutv及亚视抢著邀请他，志伟笑说：「报道嚟啫！我仲系求紧职。」至于有不少市民留言支持他继续担任港姐司仪，志伟说：「唔系想做就做，不过系想做好嘅节目畀观众睇。（陈百祥话你阻住晒啊！）所以咪畀佢做罗。我出于好意，今年真系谂过返去做，不过可能format唔同咗，所以无搵我。（即系从来无搵你？）系，都无叫我去澳门影相。（都戥港姐开心可以冲出香港去澳门？）梗系，好过去西贡啊！」

问到是否因为亮相ViuTV或是西贡论以致遭无綫封杀？志伟笑说：「累积！祸从口出。」提到亚视有意邀请他参与亚姐，他笑说：「睇吓啦！我真系有打畀何丽全，都打唔通，想问候佢同恭喜佢。佢咁多兼职，要关照吓。」ViuTV也有类似选美节目《广告女皇》，他笑说：「港姐都唔做，做呢啲会俾人笑。其实节目边度做都OK，最紧要系好节目。TVB又唔系真系无得做嘅，2035年啦，等佢换晒啲人先。」（摄影：张家宜）