胡诺言裸跑骚钢条身形：睇完就知点解我可以生3个

胡诺言跟关楚耀在无綫剧集《特技人》演好兄弟，今晚播出的一集讲到胡仔激嬲好兄弟，唯有拿著写上「对不起」的纸牌裸跑道歉。平时暗藏一身肌肉的他骚Quali，相当抢眼！他笑谓：「拍完好多朋友都笑我，话睇完个body，就知点解我可以生3个！」

胡诺言感激监制给予机会，他说：「第一次有机会拍呢啲健康裸跑戏，但其实我唔系追求大只，只系想练出钢条身形。」虽然胡仔向来都有跑步习惯，但一身肌肉同样得来不易，为了此场口他花了不少时间操弗自己，「其实呢一幕都成1年前拍，当时都要1个礼拜操4至5次，都希望出嚟线条、效果都好啲，咁自己又有跑开步，修身系会比较容易啲。去到临拍前就每日食1餐，拍之前再做掌上压谷肌。」