著起婚纱个肚罗罗挛 Grace：好开心有个咁好咁锡我嘅老公

陈凯琳（Grace）分享完郑嘉颖接新娘的感动时刻后，她先多谢出席婚礼的朋友，特别是筹备了好几个月，朋友全部好帮忙保守这秘密，所以很感激他们。同时嘉宾都要专诚请假，及远道而来他们的婚礼，包括有加拿大、欧洲、香港、新加坡，令她感受到大家都好用心好有诚意真感恩。

然后Grace再分享行礼的心情，说：「行礼前我叫嘉颖快啲去咗教堂先，因为我唔想畀佢睇到我著呢条婚纱，因为从来未见过。当我自己著起呢件婚纱个肚好似罗罗挛咁，因为好紧张，跟住心跳又加速；真系去到教堂前面，我听到音乐起，深呼吸同我爹哋一齐繑住佢只手，一齐行入嚟，跟住嗰一刻见到全部人企起身去欢迎我哋，同埋戥我哋好开心嗰个感觉，我觉得我哋原来一直去铺排呢件事终于成事。跟住行到最尾时其实我已忍住唔想喊，一望住嘉颖时佢已经系流出一滴眼泪，估唔到竟然佢系比我早喊，我跟住都忍唔住都想喊，所以我哋喺祈祷时已要攞纸巾抹眼泪，其实呢个感觉有少少超现实，我觉得真系嚟到呢一刻时真系好开心有一个咁好嘅老公，咁好咁锡我嘅老公，好期待我哋将来嘅幸福快乐，虽然我觉得婚姻有好多阶段要经历，但我觉得呢一刻系最开心。」