维港会:帮手卖旗大汗叠细汗 虾头吸金力特强

失明人协进会今早喺港岛区卖旗，虽然暑假招募义工卖旗唔容易，不过多得一班有心嘅艺人帮忙呼吁，包括王苑之、森美、小仪、Zpecial, supper moment等等，结果都可以搵到数百名义工帮手。
除咗一班热心义工，今日虾头同邵子风更专情嚟撑场，两位喺太古站卖足个几钟，大汗叠细汗，都毫无怨言，仲好落力大声呼吁途人支持香港失明人协进会。虾头好「吸金」，不少人认出佢即慷慨解囊。　
失明人协进会今次与卡通「癫当」合作，设计一套6款「癫当」特别版金旗，吸引唔少市民捐款认捐金旗。