为新碟封套换8个Look 杨千嬅劲满足：似影春夏时装目录

杨千嬅推出新曲加精选碟《ONE ON ONE》，为拍摄封面相她著住6寸高跟鞋做出仿如瑜伽般的高难度动作，要拗腰、瞓地、俯身弯腰、单脚企、sit-up和抬腿等，花了近10个钟，换了8个造型，影过千张靓相。

由于影唱片封面是整张唱片制作过程的最后步骤，所以每次影唱片封面都令千嬅特别兴奋，她说：「过往精选碟通常简简单单用一张大头相做封面，今次专登花好长时间换好多套衫，影一辑全新靓相。每次影唱片封面都好开心、好大满足感，证明我哋又完成一项重大任务。不过今次真系影咗好多相，我成世人未试过影一个唱片封面影咁多相和咁多套衫，好似影咗一本春夏时装目录！」

今次新碟带给千嬅很多新体验，其中新歌《摇滚之母》是千嬅首次唱Rock，她坦言最初有点担心：「我嘅歌未试过节奏咁劲，呢个范畴（指Rock Music）以往唔敢随便触碰，容易惹起争议。但自从演唱会同Carl合作好有火花、好多交流，加上反正人生在倒数，乜都要试。」

至于「精选歌」部份，千嬅亦以新方式选歌单，「我好感激每位喺杨千嬅音乐路上遇到嘅老师、知音，所以请佢哋拣歌，成为精选部份。我曾经谂过佢哋会唔会拣啲好冷门嘅歌？甚至连我都遗忘咗嘅歌？其实咁又有乜所谓，可能更有新鲜感，唔一定人人都识嘅歌先至可以放入精选碟。」被邀请的包括DJ好友、造型师、唱片界幕后功臣、歌手、前助手和歌迷等，并写下与千嬅的小故事。其中老公丁子高化身「歌迷」选了《炼金术》，他留言放闪：「因为呢首歌系我第一次真正认识佢嘅时候系佢面前唱畀佢听嘅歌。 」