生B前搏命旅行 雨侨同老公计划「度蜜年」

雨侨拍完新剧，出发到澳洲坎培拉拍摄旅游节目，带大家上山下海。她去了当地的鱼市场拍卖会参观，又出海睇潜水员捉鲍鱼，「平时喺香港街市买鲍鱼好似好简单，今次见到潜水员背氧气樽跳落海捉鲍鱼，再将佢哋拎返上嚟，真系唔容易！再加上海浪非常大，见到一米巨浪都是很平常嘅事，在船上都有不少人晕船同呕，所以好惊险。」

谈到近年默默接job，究竟几时同老公罗力威补度蜜月呢？雨侨终于有好消息，说：「之前工作太辛苦，我说服老公，度蜜月真系唔够，不如『度蜜年』，呢年谂到想去边旅行就去啦！因为身边朋友话咗生小朋友后几年好难去旅行，所以我依家要搏老命去。」雨侨第一站会同老公和家人去日本石垣岛，「结婚后我除咗少见老公，亦都少见屋企人，我哋两个都好想带屋企人去旅行，之后先再密谋度蜜年的其他计划。」