雨侨去南非冻到震 圆梦睇狮子最兴奋

雨侨早前到南非拍摄旅游节目，在14天的旅程中去了10多个景点，每天早上4点就要起身化妆，行程非常紧凑。虽然每天都要早起，但雨侨就话非常值得，因为梦想是去非洲睇狮子。

出发前做足准备的雨侨谓：「今次拍摄我衬咗啲幻想中适合非洲的衣服，例如色彩丰富嘅大长裙，希望好飘逸咁同斑马、狮子影相。点知原来南非好冻㗎！冻到著羽绒都唔够暖，入面仲要著外套打底！」不过来到梦想中的地方，雨侨话捱冻都非常值得，特别是上桌山一览南非全景。大学主修生物学的雨侨最想见到狮子，「以前读书成日去field trip，但香港可以去到的field trip最多看到中华白海豚、青蛙，很少机会见到大型哺乳类动物，所以非洲草原一直系我好想去嘅check point，去非洲睇狮子更系我人生好想好想做到嘅事。」

拍节目时，雨侨经常在社交平台分享丰富早餐相，令人误以为旅程轻松，雨侨说：「其实每日行程都好赶，但因为我以半个blogger身份来拍摄，所以每朝都要影影影，再post post post！」这次旅程她特登带了套丝质睡衣来，仲一早起身烫衫，原来这是雨侨的好友送她在结婚上头时穿著的，当时没用到，因此今次带来拍照。

问到已为人妻的雨侨有没有煮早餐的习惯？她笑说：「当然有，我平时都好锺意煮早餐！女生的早餐一般都是煎pancake、焗薯仔，或者简单煮麦皮，但屋企自从多咗个男人之后，我嘅早餐变得好man！佢（罗力威）系个早餐可以食麻辣火锅、煲仔饭嘅人嚟，我就锺意悠悠闲闲饮咖啡，呢样嘢要慢慢协调啦，依家煮早餐都要煮两款先可以一齐食。」

至于夫妻去旅行，老公会不会成为私人摄影师呢？雨侨竟然回答：「初初拍拖，我哋去过峇里、伊豆，不过比较少影相，因为都系enjoy当下的感觉，有时系个画面太靓，但欣赏完又过咗个moment，所以无影到。」结婚4个多月但仍未度蜜月，雨侨称：「希望这几个月可以去到啦！我哋想近近地去日本，因为日本系我哋第1个旅行嘅地方。」