周国贤老婆松身衫加凸肚 合照惹大肚疑云

周国贤（Endy）经已系三名女儿嘅爸爸，一向甚少系社交媒体上放家人相嘅佢，今日竟然放上张同老婆嘅合照，相中最令人疑惑嘅系背景系蓝蓝大海，Endy同老婆面对面拖住手坐，两个人嘅剪影出晒嚟，而老婆件松身衫底下，见到有少少凸肚，引来唔少粉丝都问系咪有咗！有人直接留言「哗！好少见你放闪喎！sweet 到呢～」、「那肚是？」、「但岩岩以为大肚」。
Endy系IG留言话「你快乐 所以我快乐 #我不敢想太多 #我只想继续做我让你开心得更多」留言可谓可圈可点！不过系咪有喜都好，「周太」真系陪咗Endy走过唔少低谷，曾于13年因为压力爆煲，Endy停工去加拿大抗抑郁。2016年Endy完成专辑《风起》、会展演唱会及电影《九龙不败》工作，疑似旧病复发，急返加国唞唞，两公婆真系经历好多。