【梨港紧乜呀？】《深宫计》刘心悠可爱广东话 遭恶搞交差变胶猜

无綫剧集《宫心计2深宫计》播放以来一直爆红，虽然都有负评话押韵太多，不过剧集正评都系大多数，早前麦玲玲的古装look就好有话题！至于另一焦点，就系首次挑战广东话古装剧主角心悠BB，虽然广东话讲唔正，但凭住靓样掳获唔少观众同网民欢心，最近网上仲热传一条剪辑影片，恶接心悠BB嘅对白，大批网民大笑「唔知佢讲乜」，不过都赞「佢讲得好得意呀虽然真系听唔明」。

心悠BB系《深宫计》成功弹出，网民几乎对佢都一致好评，「JC后制」上载了一条「刘心悠广东话诚实字幕版」影片，配上字幕都唔知心悠BB讲乜，不过好多观众都怜香惜玉，纷纷留言「佢尽左力」、「好靓女，成套剧至靓❤️」、「佢好叻, 广东话要讲得正, 系好困难的, 像我地讲广东话同英文都好难讲得标准.」、「其实我觉得好得意」、「ok喇！你如果唔系讲开煲冬瓜，一样笑料百出」、「其实最锺意系「胶搓」..配埋佢嗰刻嘅身体语言...应该系一种新嘅枚」、「见到佢咁靓，其实佢讲乜嘢都无所谓啦」。

不过到底条片嘅真实内容讲乜？有观众就做心悠BB对白人肉翻译机，「冻挞可以再搭」原来系讲紧「档摊可以再搭」，#%就话呃你十连百连」系「媒人婆就话呃你十年百年」。其馀到底讲紧乜？各位要自行参透。
心悠BB其实好努力，系拍之前刘心悠已经话，首次为无线拍剧而且古装剧心情好复杂，紧张又兴奋，由于系广东话剧集，希望观众能明白她所讲的每个字，同剧有好多资深演员，她就话「他们讲对白出来都好顺口，但怕自己讲得好哽耳，希望观众睇完唔好有太多问号，可能自己睇睇下会唔见咗人会逃走。」