【时光飞逝】不再锡大女咀咀 林盛斌：你大个女啦！

艺人林盛斌(Bob)育有三女一子，一家六口生活相当幸福美满，阿Bob更经常将一家的生活趣事放上社交网与网友分享添！阿Bob大女霏儿昨日10岁生日，作为廿四孝爸爸的阿Bob当然陪囡囡一起庆祝啦。阿Bob在社交网上载咗一张同大女锡锡的相片，一向搅笑的阿Bob今次就非常感性，并分享了他与囡囡的一段对话。

阿Bob同囡囡讲：「霏霏，过埋今日，爸爸唔再锡你咀咀嘞！」霏霏不明白，所以问：「点解呀？」阿Bob就解释话：「你十岁嘞，大个女啦！」霏霏明白后，就同阿Bob讲：「咁锡埋最后呢啖啦！」阿Bob话：「时间，真系过得好快。」言语间似乎非常感慨。网友留言话他们两父女好温馨，更大赞阿Bob系一个好好嘅爸爸添！