马时亨出席中学生微电影比赛颁奖礼 分享创意构思

港铁全力支持嘅全港中学生数码传讯创作比赛，今年以「港铁点止铁路咁简单」为主题拍摄微电影，新界乡议局元朗区中学队伍以一段5分钟名为《白日梦》短片，勇夺冠军。主席马时亨今日出席比赛颁奖礼时，与学生分享拍微电影嘅点滴，仲有大赞同学仔拍片都有很高质素。

马时亨表示，当睇完五对最后入围嘅作品同构思简介时，自己亦系到谂，如果自己拍片嘅时候会拍啲乜嘢。佢话首先第一个谂到嘅就系港铁优先座，例如可以拍温情片，两个后生仔让位畀老人家。佢仲话，好多温情嘅事往往都系发生系车厢入面。

马时亨又指，第二个谂到嘅就系自己读书时期仲未有港铁可以去到香港大学，由香港大学去油麻地兼职做教师，动辄要两个钟，但系而家有港铁，同一个地点20分钟就到，可以悭返啲好多时间，可以做乜嘢啦。第三个故事可以以放工时间好迫作题材，你个背囊撞到我，但系我一睇嘅时候就发现原来背囊嘅主人好有吸引力，跟住就会有好多故仔发生，好多情缘由此而生。