何远恒蒲头撑基仔 遭古仔取笑「同个咩彩华散咗」

古巨基红馆骚昨晚请来四虎任嘉宾，并重拍当年新五虎合照后，基仔就落台换衫，留低四虎在台上吹水，大讲对基仔印象。古仔说 : 「基仔好饮得。好识做蛋糕…整饼。好跌得罗，咁都可以继续撑落去，好嘢！」何远恒话基仔是一个好男人，古仔即嘲对方，说：「咁你即系冇讲嘢啦，我最近睇新闻，你同个咩彩华散咗…系咪嗰晚我哋约食饭你冇出现，去咗滚所以散呀？」何远恒即刻耍手拧头，说：「唔好讲呢啲啦。」刘恺威则谓：「基仔成日好湿，总之好湿啦！」搞到观众又狂笑。
不过最令观众兴奋，是四虎问观众想听甚么歌？观众大叫《男朋友》、《今期流行》等古仔的歌名，现场即响起《今期流行》的音乐，古仔听到之后即指著控制台监制钱国伟的位置，说：「肥仔，你唔系真系玩嘢呀？」何远恒、吴家乐已经随著音乐大跳古仔当年的拜神舞，令观众笑声欢呼声四起，不过古仔就求大家放他一马，说：「唱歌可以唱，但舞就唔好迫我跳啦！我拜神拜咗咁多年，唔好搞我啦！」之后基仔出来，与四虎一齐唱住《我爱毛查查》并跟观众握手，全场气氛极其高涨。