肥妈嬲到报警叫人举报！俾人冒认开fb卖嘢

肥妈（Maria Cordero）一向系女厨神，形象入屋整嘢又好食，自然系生招牌，人人都想搵佢做代言。不过有不法之徒，竟然乱用佢嘅相同fb，开咗个社交媒体专页，系咁话系佢推介嘅嘢，相信有唔少人信以为真，肥妈系性情中人，更加心痛有支持者俾人呃，经已立即同facebook举报同报警，而且系网上发帖，叫大家一齐举报！
肥妈点埋名贴晒图出嚟，原来嗰个涉嫌假冒嘅专页叫「肥妈私房菜」，又用晒肥妈嘅相做头像做宣传，经已有5000几人like咗，更加不时用肥妈嘅名义搞团购推销产品，讲到似层层咁，但原来系未问过肥妈，难怪肥妈㷫烚烚啦！
肥妈发晒封杀令，系真嘅帐户话「近日在社交网站Facebook发现肥妈私房菜的专页，页面更直接盗用了本人的照片及肥妈名字作无关的宣传。
于Facebook 网上平台售卖物品，特此声明所有售卖的物品与本人无关。本人保留循法律途径追究任何侵犯肖像及商标的权利，特此发表《严正声明》，以正视听。
本人对Facebook亦保留循法律途径追究权利。
请大家不要受骗！！」
肥妈仲留言话「你哋唔好俾人呃！唔抵呀嘛」，叫大家见到这个「肥妈私房菜」专页的话，请帮忙向Facebook检举。