古巨基见老婆露脐即吓亲 周慧敏爆当年帮手保密地下情 　

古巨基下月于红馆举行演唱会，昨晚他于私人工作室率先举行两场小型音乐会，先于工作室的浴室中，跟网民进行「浴室Music Live 」，接著于厨房举行「阿基厨房」私人派对，两个Live加起来有超过百万观众同步观看。

基仔与乐队齐齐穿上浴袍，自称是最新组合「浴袍团」，唱大热经典金曲外，还让歌迷网上即时点播，有歌迷因爲浴室场景就点了范晓萱的卡通健康歌《我爱洗澡》，又有歌迷点了刘德华的国语旧歌《马桶》，以为可以难倒基仔，但爱唱歌的基仔点甚么都能唱。

玩完厕所，基仔一班好朋友周慧敏、雷颂德及雷太、森美都来了现场做直播，与网民边吹水边唱歌。基仔好友如关心妍、方力申等都有在社交平台同步观看及打气，连容祖儿收工后也冲进来支持及点唱《花洒》。身为基仔好友兼演唱会音乐总监的雷颂德，更大爆基仔与老婆Lorraine的地下情令他保守秘密得十分辛苦，「明明知系佢条女啦，连我老婆有次也爆响口话你条女，但系佢两个都系唔出声，唔认唔知唔理，搞到我哋一班朋友其实扮唔知都扮得好辛苦，到前几年，有1日佢突然间话，唔该帮我写首歌畀Lorraine，我就好开心大笑，问佢写咩歌？写首《最佳助手》呀？基仔先话唔好玩啦，我结婚啦！当时我真系好开心！好啦你终于肯认，以后唔驶咁烦，哈哈。」雷颂德爆完忍得辛苦，随即有网民抵死留言：「咁你系咪同黎明守秘密都守得好辛苦？」

周慧敏又爆Lorraine当年与基仔拍拖后有大变化，因为未拍拖前的Lorraine平日会穿短裙、低领衫，拍拖后就算大热天时都包到实，「我硬系感觉到佢两个有嘢啦！我识古太仲早过基仔，不过我都系扮唔知罗，明明见到古太成个人打扮变晒都唔出声罗。」基仔亦搞笑爆料：「我冇迫老婆著密实！当年佢第1次带我入电台派歌宣传，佢著露脐装，成个肚脐畀我睇晒，我睇到眼都突埋。」