每次过关都被「扣查」 张继聪:证明唔到身份
2018-03-25 16:10张继聪每次到内地工作也会被海关「扣查」,因此感到烦恼,他在社交平台上载自拍影片,与大家分享经验,「我张回乡证四年前影,嗰阵冇留须,拍紧《老表,你好hea》,同依家个样有少少唔同。问题喺到喇,每次上大陆做嘢,我过关嘅时候都会被扣查,系,真系被扣查,所以成日都听到后面有啲朋友讲话:『喂!嗰个张继聪被人拉咗喎!』通常都系要出示埋身份证,仲大件事,因为我张身份证系十几年前影嘅。」
阿聪苦笑指海关人员的做法非常正确,因为连他的同事甚至自己都很难相信证件相中的他是同一人。他又澄清不是被捕,也不是走私,只是无法证明自己的身份,希望大家不要再误会他被扣查是因为做了犯法事。
阿聪分享证件相,有网民觉得「其实都无唔同样,都似你吖」,亦有人话「3个样咁,唔怪得俾人查」,各有各观感。一直都有尝试解决问题的阿聪又称:「结果只系得一个,例如我试过笑住啦,不过我都觉得自己好可疑,我又试过认真啲啦,咁就直接入房喇。我又试过精神啲啦,因为每次都好攰,但系无论我用咩方法都系唔成功嘅。」虽然阿聪话证件未过期,但网民都建议他换过张新回乡证及身份证。
關鍵字
最新回应