【系威喎】萧正楠41岁惊喜贺牛一 粉丝：趁机会同翠如求婚啦！

萧正楠（Edwin）凭着爆笑嘅喜剧细胞，近期多套剧集顺风顺水，可谓事业得意。噚日仲系Edwin嘅牛一，踏入41岁，经已同恩爱嘅女友黄翠如不断传出结婚嘅消息，不过始终未见影。系噚日生日会，成班圈中朋友送惊喜搞生日会，寿星公当然开心，不过都有粉丝留言话「趁机会同翠如求婚啦！」
成班好友一齐到场，袁伟豪、张宝儿、黄长兴、林夏薇、黄浩然，当然唔少得女友黄翠如啦，成班人系又饮酒又有汽水，玩得真系几开心，系片段到仲见到佢哋熄晒灯，拎个小小兵嘅蛋糕出嚟，Edwin当然开心，仲留言话「威咗！多谢大家，在心中！2018加油」。
威咗？到底威乜嚟呢？原来黄翠如系放咗张相，大叫萧正楠做「My BOSS」，仲话「Happy Birthday n Happy Everyday🎂#超模POSE#收工带你去威#收工带你去食鸡蛋#收工带你去食鸡蛋仔」，又真系威威喎！