【早有打算】7月搞最后栋笃笑骚 黄子华：我系收咪唔会退休

黄子华出席活动，直认7月举行的栋笃笑骚是最后一次，曾想过开记者会讲明，但自己懒又无时间，并非可以三言两语讲清楚原因，所以开骚时会同大家解释，因为到时有时间跟观众互动。谈到为何不再做栋笃笑骚？他表示好多人会谂好多原因，每晚自己谂的原因可以不同，原因亦非大家所想的，只能够是大家入场慢慢倾。他说：「两、三年前决定，2014年前我好感动，有些朋友听到呢个骚名，在网上搵返03年原来我已经讲紧呢样嘢，03年已经谂过。（唔舍得？）有唔舍得，但有啲嘢应该做。（可有新动向？）我唔系死咗，我唔系退休，有啲人会封咪，我系收咪，我唔会退休。（加场？）我今次都做好多场，一切睇大家反应。」

黄子华透露今次栋笃笑骚会于4月公开发售门票，亦不会是绝望座位表，叫大家放心。对于黄牛飞炒卖情况，他坦言不知如何正视，这个问题似乎很厉害。问到7月栋笃笑骚18禁的原因？黄子华谓18岁以下未必适合听，不明白开栋笃笑会有母亲带孩子入场，搞到好尴尬，今次是大人节目。他说：「例如讲性、职业、人情，小朋友唔知讲乜？连我侄仔都话返来睇我个骚，我都话唔好，你唔会明。今次主要话题讲香港，基本上唔系香港人唔会明。」