被陈奂仁感动 杜汶泽立誓修身：做唔到我去死！

潮流兴修身，最近很多男艺员都努力操肌变身大只仔，就连一向肥嘟嘟以可爱形象示人的音乐人陈奂仁(Hanjin)，最近都加入健身行列，密密在健身房锻鍊自己，更已渐见成果，隐约见到腹肌和麒麟臂，与肥胖说Goodbye！

受到Hanjin的启发，艺人杜汶泽(阿泽)都宣布展开修身计划，誓要以最fit身形迎接夏天！阿泽在社交网好豪情咁话：「我的新偶像大只仁，用了十个月时间改变自己，嗰种恒心同毅力，令人动容！曾经是减肥界钜子的我，今日趁着肠胃炎独留家中上吐下泻，正好开始我的修身计划，不但要增肌，更要消脂！要做到之前做唔到嘅效果！今年夏天！做一样八岁之后从来无做过嘅事！我要用最fit嘅身形，去沙滩！晒太阳！只许成功、不许失败！因为失败嘅藉口可以有一万个，成功嘅原因只有一个，咪就系劲罗⋯⋯做唔到，我去死！立此存照！#约定」

Hanjin看到阿泽的豪情壮语后，忍不住留言话：「客气客气，我唔大只，多咗肌肉啫。我慎重谂咗几个钟之后。。。#约定 #you+me #今个夏天最fit身型去矖太阳 #dealornodeal」阿泽之后更留言话：「仁哥已经答应我比三个月时间我，沙滩见，到时对号入座！」大家不妨等三个月，见证阿泽的修身成果！