杏儿「又有咗」？松身衫上阵惹疑云

胡杏儿与老公李乘德(Philip)结婚后，诞下儿子李奕霆（Brendan），上个月头刚刚过咗百日宴，而且囝囝仲十分识做，系情人节亲亲妈咪，真系睇见都冧！
不过囝囝出世后，两公婆要忙住搵奶粉钱，杏儿都要调理身体，两公婆都好耐无出游，近日二人终于有得一齐撇甩囝囝，去泰国参加朋友婚礼，仲有唔少外游靓相添。

不过其中一张相就惹来网友追问，杏儿系咪「又有咗」，相中杏儿一身跌膊长身杏色裙，裙摆好飘逸，老公企系隔离，搭住杏儿膊头，老公仲一身白恤衫灰裤加肩带，风度翩翩，难怪杏儿自己都话「很美和感动的婚礼，每一次参加婚礼都会想起自己的。」
就系杏儿呢张相，呢条杏色长裙，个肚有少少凸起，就惹起网民疑问啦！不过再仔细睇，其实杏儿着紧高踭鞋，而且前几日先PO过一张瑜伽倒立嘅相，杏儿个肚有定冇，一眼睇晒啦！