伟仔拍喜剧唔好笑？刘嘉玲：人哋收19亿票房

英皇贺岁片《我的情敌女婿》票房暂时成绩过千五万，一众演员刘嘉玲、任达华、唐诗咏及胡渭康等出席庆功宴。任达华开心说女儿于首映礼睇到笑骑骑，更经常同他讲剧情，以前拍好多重口味电影，今次首次跟女儿入场睇戏，对票房成绩也满意；又搞笑谓有人问他可要相隔25年再跟刘嘉玲合作，最好明年环游世界去拍戏。
在旁的刘嘉玲笑言一向边工作边娱乐，近年拍戏也去了未去过的地方，更笑称毋须等25年再跟华哥合作，因为届时已80岁，所以不要等太耐。谈到梁朝伟主演《捉妖记2》口碑不及这片，嘉玲说：「呢套系香港电影，依家我成日行山途中见到唔识我的人，都话睇部戏好开心好笑，我觉得香港人锺意呢啲戏，佢哋嗰部比较大陆感觉适合小朋友。我哋有香港情怀，好多香港熟悉地方，好有情感。（梁朝伟曾指自己拍喜剧好笑？）依家证明唔系啦！但各地观众睇嘢不同，佢呃啲小朋友啫，但人哋都收19亿票房。」
唐诗咏表示睇这片两次，其中有次跟爸爸入场睇，爸爸亦睇了多部贺岁片，但认为这片最好睇。问到可会跟朋友再入场睇该片？她说：「叫佢哋再去睇。（前度洪永城已入场睇？）唔知。」她希望可再拍贺岁片，因为觉得拍贺岁片会好幸运，可以带欢乐给观众。（摄影：张家宜）