自爆甩拖 周嘉仪：冇情人嘅情人节都可以好快乐

情人节有人欢喜有人愁！前新闻主播周嘉仪今日在fb贴文，除咗有红色背心裙靓相做福利，仲写话「+2(嘉仪)就觉得扮靓啲可以令自己开心啲醒神啲，唔需要系为任何人嘅，+2(嘉仪)喺度祝各位无论有情人定冇情人都快快乐乐，开开心心过每一日。今晚我就同一大班朋友一齐食团年饭喇，你哋呢？」
咦！佢唔系同经民联立法会议员林健锋个囝林凯章拍紧拖咩？点解会同「一大班朋友」喺情人节正日「一齐食团年饭」呢？睇埋hashtag，似乎内有玄机，「#冇情人嘅情人节都可以好快乐」、「#各位都为自己努力」，原来+2BB已经单身咗一排，至于想唔想搵到新男友，佢就例牌咁话「顺其自然」喎！