开心感动到想喊 容祖儿Mark期陪阿娇出嫁

作为龙虎豹一份子，容祖儿回应好姊妹锺欣潼（阿娇）订婚喜讯，说：「睇到佢个instagram，其实我真系好开心好感动，嗰刻有啲想喊。一直以来我觉得阿娇心地好好、好善良、好有爱心嘅女仔，喺我心目中佢好值得有个人全心全意爱佢同埋照顾佢同埋锡佢，亦觉得其实佢已经好Ready进入人生另一阶段，无论年纪同埋状态，所以真系知道呢个消息，作为佢好朋友真系好高兴。咁我梗系好开心听到呢个消息，但未知几时真系结婚，不过无论佢几时都一定会Mark好个期分享呢个人生最大嘅日子，所以好希望大家都为佢高兴都祝福佢。」