张继聪期待再见 谢安琪不舍：好想继续睇你啲剧

张继聪因经理人公司同无线有官司遭封杀，未能出席他有份主演的《夸世代》大结局活动，这段日子他依然卖力，在社交平台不断催谷这剧。昨晚播毕结局，阿聪除上载他在家看剧中「死」的一幕外，之后再放上自拍片，因为未知几时可以再亮相无线，所以最后话「有机会再见」，并留言：「真心，多谢家嘅支持。#夸世代」。
阿聪在片中说：「点呀？睇完大结局，系咪觉都得OK呀？好爽呀系咪？大家都睇得开心？多谢大家嘅支持！呢段时间，无论喺社交平台或者喺街同我讲过好多鼓励说话嘅朋友，我都好衷心多谢你哋，都代我哋成个团队多谢大家，因为我哋都好畀心机。最后大家睇到开心，我哋就满意嘞，Thank You，有机会再见！」网民纷纷留言鼓励，深信总有机会再见，老婆谢安琪亦留言：「我都好唔舍得walking，好想继续睇你啲剧，好在我系（喺）屋企可以继续睇你饰演昏君」，好明显是闺房事，但网民仍好奇「点昏法」？