明白被性侵痛苦 林作：我妈妈都系受害者

前大律师、麦明诗旧爱林作，日前评论「栏后」吕丽瑶自揭被性侵的文章为「雕琢而成嘅商业文案」，又认为现今社会中只需要集网民之气就做到明星，同时中肯地道出「个男人呢？其实佢未定罪喎，案件甚至连司法程序都未进入，已经俾石头掟死啦，驶乜判？定真系觉得网民定生死就可以？」有不少网民批评林作搏出位，今日他在社交平台贴出网民的评论再撰文回覆，认为香港法治意识越来越越薄弱，凡事都只有法庭才可审判。他更称妈妈也是性侵受害者，令他明白当中的痛苦。 林作全文如下： 我支持大家走出来。但不同意借助呢种事出黎（嚟）别有动机。我并唔系扭曲事实，而系作出我自己观察事态嘅判断，确实系有疑点。无论如何，香港近年法治意识越来越越薄弱，十分危险，希望你能以大局为重，明白只有法庭先可以审判。更加多嘅案件应该被带至庭上见分晓，而唔系你话对方有罪就算。我唔系唔同情受伤害嘅女性。我愿意同你分享，我自己妈妈都系过受害者，而我呢世人最重要嘅人，就系妈妈。佢最近都有分享过佢嘅经历，我实在十分明白嗰种痛苦。 我十分愿意帮助有需要嘅受害人。或许我应该更公开地作出表示。我做过一段时间嘅大律师，自己也接触过几宗非礼案。我十分愿意私下就个别案例分享自己见解。