曾压力大致脱发患眼疾 卢巧音婚后改臭脾气

卢巧音（Candy）接受节目《StarTalk》访问，大谈将举行演唱会的感受。明年是Candy出道20周年，在机缘巧合才决定在下月开骚，她说：「本身谂住出年3月先搞骚，但突然有投资者出现，而近呢两、三年状态又好Ready开骚， 所以就一口答应，就当系20周年演唱会嘅预演，希望以歌会友。」 提到经典歌曲《好心分手》把Candy的事业推到最高峰，同时令她进入樽颈位，她说：「当时有脱发及眼部嘅问题出现，情绪上好辛苦，渐渐开始觉得物质好重要，成日要买嘢，脾气亦都好差，食唔到嘢同好惊，又唔敢话畀屋企人听，要睇医生处理同用信念去击破。依家再唱呢首歌，我会用另一种方法、另一种心情去演绎，由负能量变成正能量。」 在2013年与乐队Kolor主音Sammy结婚后，Candy性格有所改变，依偎老公之馀又学会减慢工作步伐。她坦言：「觉得女人结咗婚之后要留多啲时间畀家庭，我有谂过唔再做，谂过学手语又或者珠宝鉴证等。谂咗好多方法令自己唔再喺呢个圈出现，但原来最锺意都系音乐，连我老公都叫我唔好屈喺屋企。」Candy又谓：「婚后我冇咁火爆，识得忍，我刁蛮过，我系有臭脾气，依家就系要放低呢啲唔得嘅嘢去投入新嘅角色，所以家庭对我好重要。」