想唔使做又俾观众记得 许绍雄笑住做欢喜哥受欢迎

无线剧《使徒行者2》在香港播至尾声，内地网已播毕，结局出晒街。剧中饰演欢喜哥（覃欢喜）的许绍雄接受媒体访问时分享拍摄过程，指监制提议一改反派的演绎方式，并谓这个角色是「笑住嚟做」。 与《使徒行者》相比，《使徒行者2》的投资多很多，所需的制作时间也多了，许绍雄认为整体的效果很好。他续指饰演的角色没有改变，仍然是欢喜哥。谈到真人与欢喜哥有没有相似之处时，许绍雄表示：「咁就梗系唔似啦！欢喜哥系黑社会嚟㗎嘛，我又唔系黑社会。」他认为自己不像欢喜哥那么火爆，而本来的性格则是一个很懒的人，不会积极争取任何事。 许绍雄指这次他需要拍摄打戏，拍摄完之后很疲累，需要休息数天才可复原。他笑指：「你知无咩点郁嘅人，一郁起上嚟就咁㗎啦，都唔算NG好多，好彩同其他对手夹到，（佢哋）就到我。」问到若不饰演欢喜哥，会选择那个角色？许绍雄搞笑地回应：「唔做欢喜哥，做第1集嗰5个卧底其中1个，一嚟到就炸死，咁跟住就唔使做喇。1集就已经令你记住佢喇喎，几好吖，有啲可能由头到尾，企喺你旁边后面嗰啲，你都无发觉。『吓！你有份嘅咩？』但佢第1集就炸死，起码有人记得。『哗！你第1集就死喇喎！』又唔使做又有人记得。」 许绍雄续说：「欢喜哥呢个角色，其实讲返起系笑住嚟做，喺《使徒1》嗰阵监制文伟鸿提议改改反派个演绎方式。以前一般啲戏，个道友就会化妆化到好似成个道友咁。真系道友个啲，你睇下，一啲都唔似道友，一啲都唔似吸毒。做贼个啲一眼睇就知系贼，仲使咩做！所以就试下用笑嘅方法去做，估唔到咁样系咁受欢迎。」