黄宗泽扮妹妹仔下厨 嘟嘴扎喷水池辫

黄宗泽（Bosco）大男孩性格十分玩得，平日型男LOOK大大只只，但其实内心原来系个住家男。日前佢喺IG到放相，系厨房到自整海鲜食，仲有大闸蟹食添。不过点吸引都唔及佢一身「小妹妹」装扮，扎喷水池辫，仲要嘟晒嘴咁，迷得啲女粉丝疯狂留言，尖叫「会照顾你的男人更帅！！」 Bosco前排拍《飞虎极战》型爆登场，一身飞虎武装拍摄直升机拯救人质的场面，硬朗形象fit晒佢高大身形，仲搞到大汗淋漓。黄宗泽及吴卓羲要拍游绳镜头，Bosco仲搞笑话大家愈拍愈Fit，试过不停流汗一日可以轻2、3磅。 不过Bosco唔只武得，简直系出得厂房，入得厨房，系IG到放整嘢食嘅相，留言话「客席大厨又出动啦！」有蟹有蚬有虾，全部都有亲手落手整，唔系做样！