林二汶自嘲几十岁先嚟重组 卢凯彤：望感受到at17仍然青春

卢凯彤（Ellen）与林二汶重组的at17，定于今个圣诞档期12月23及24日于伊利沙伯体育馆开骚，早前二人拍摄宣传海报，以一身维多利亚式女皇Look为主题，Ellen笑说：「呢个造型吸金又吸睛，对at17系一个新尝试，虽然有啲复古味道，但希望大家感受到at17仍然青春！」二汶接著笑说：「系呀！我哋重组呀！其实我哋已经几十岁先嚟重组，咁就做返at 17，我哋嘅演唱会名叫GIRLS GIRLS GIRLS，即系话girls girls girls come watch us ! 女仔嚟要畀正价，男士就收半价！」Ellen又搞笑表示，这是二汶自己一厢情愿啫！所以买唔到半价飞唔好问点解，男士也无任欢迎来捧场！ 为给大家一个温馨聚会，欢迎扶老携幼一齐来，初步构思是希望有大型乐队大型合唱，又会邀请女仔嘉宾表演，到时还有特备节目及神秘嘉宾，不过要先卖个关子，暂时不能爆太多料！不过拍海报就有个神秘嘉宾，就系一只白雪喵喵，二汶笑说：「只喵喵非常专业，系识得望镜头的喵喵，一埋位时候就已经交足晒戏，但系我哋未畀到戏，所以要继续影，输咗畀只白猫仔，其实拍摄之前我哋喺度化妆，只喵仔已经等埋位等得不耐烦去咗瞓觉，可能嫌我哋手脚慢！」Ellen又笑谓，相信她们的默契依然，不过都要花些时间让大家适应。另外，她们为配合演唱会，圣诞期间亦会推出新歌及精选大碟，已有7年未有合作出碟，主打歌是会以她们过往唱过的歌做串烧歌词！