大埔仁医教诊症煲汤 病人大赞：有医德到痴线

事源事主早前发烧兼喉咙痛，于是向公司请病假，用医疗卡到网内一间林姓医生的诊所看症，事主当时5点到登记，最后近8点看诊。「相信好多有医疗卡既(嘅)朋友都知道医生对手持医疗卡睇病既病人都系HEA左佢就算，三两分钟就扔佢出房，开最垃圾既(嘅)药。而呢个医生，真系好痴线，完全唔计成本效益。」 据事主观察，每一个病人平均都会诊症约10至20分钟，有别于一些「三分钟医生」。事主入内看林医生时更是「望闻问切」待遇，包括工作环境常搭的交通工具及工作习惯等他都问得一清二楚，了解情况后更钜细无遗解释病因防治，还「授人以渔」教事主诊症煲汤。 正当以为林医生的诊治告一段落，事主等待取药时姑娘将两本医书递给事主，「佢队左(咗)两本书比我，话医生写左(咗)张纸仔，叫我用手机影低相关页数返去慢慢睇，好好注意同调理身体。」事主还上传医生的手抄小纸条，表示医生在为他诊症时，已经将医书相关内容的所属页数默写下来。事主还笑说「搵到好医生而满载幸福感既(嘅)我唔记得叫医生开假纸，我走既(嘅)时候冇拎假纸….最后返转头拎返」。 不少到诊过的网民都浮上水面表示「由细睇到大」。有位网民更分享经历，「我试过⋯⋯林医生俾漏左张笔记我，然后⋯⋯佢寄到我屋企！！！」令到网民大呼「痴线」。