恶战潮文伯母卢宛茵 周柏豪劲赞霸气兼好戏

卢宛茵（Madam Lo）年前在公屋潮文网上短片内，扮势利「伯母」hit尽一时，对住公屋、居屋或者私楼嘅未来女婿，分别可以天同地。在新片《西谎极落：太爆‧太子‧太空舱》中，卢宛茵再演「伯母」，连诗雅带穷鬼男友周柏豪见阿妈卢宛茵时，期间提到想结婚，「伯母」即连珠炮发「冇得倾、冇可能、唔使讲嘢」。

对住充满气场的Madam Lo做对手戏，柏豪就说：「嗰日拍见未来外母嘅戏都几得意，Madam Lo真系好好戏，做外母几有霸气，但一cut机就还原善良妈妈，大家鸡啄唔断，有讲有笑，所以拍得几顺利。」柏豪扮演网络打手，在片中敌不过现实问题，他说：「其实我个角色都好写实，系啲后生仔遇到社会真实面对嘅问题，好似住屋、结婚、生仔，都有好多嘢烦，有时啲长辈又未必明白；不过唔可以一竹篙打一船人，都有啲长辈系开明嘅。」