密锣紧鼓筹备红馆骚　草蜢誓要变瘦蜢晒靓Body

草蜢事隔3年定于11月5-8日再于红馆开骚，为了在演唱会上跳得起，所以要由肥蜢变做瘦蜢，最紧要有靓body示人。苏志威表示现在起一直要Keep Fit到11月，要精神奕奕兼最佳状态见歌迷。蔡一杰亦坦言不会令人失望：「形象指导朱祖儿叫我哋要瘦，千祈唔好大只，因为今次啲衫唔能够肥，只要有小小肥企喺舞台上系唔好睇，我哋唔可以做肥蜢，一定要做瘦蜢。」

今次开骚前草蜢会推出新碟，同时杰仔亦推出个人专辑，杰仔说：「上一张个人碟已经是13年前嘅事，相隔13年我觉得自己嘅歌更成熟及有深度，而且扩阔咗想像空间，有时音乐好难用言语表达，我哋3个喺呢次演唱会及专辑都有唔少新构思！」