【晒Chok爆童年照】姜大卫摆70大寿　全家开心切烧猪　

姜大卫（John哥）昨日70岁大寿，宴请亲朋戚友食饭，开心庆生。John哥嘅仔女、女婿曹永廉、大哥秦沛及家人、郑欣宜等等都有到场，相当热闹。姜丽文、欣宜都有同寿星合影，一家人齐齐切生日烧猪，寿星John哥全程笑到四万咁口。

放喺门口迎宾嘅纸牌上，印有John哥童年照，西装骨骨Look加埋忧郁神情，难怪姜丽文含情仰望，欣赏四叔细细个已经型到裂。姜丽文亦有为John哥送上生日祝福：「Happy Birthday，Uncle John！！祝四叔身体健康、心想事成、生日快乐！We love you！」