掷1.6亿连扫3豪宅　王祖蓝顾家落屋企人名

近年楼市炽热，唔少楼价屡创新高，虽然市场情况疯癫，但好多艺人仍争住入市，如影帝张家辉、锺楚红、谢贤、王祖蓝、Angelababy、黄心颖等，古天乐和麦长青则涉猎工厂大厦。

当中以在内地搵得盘满钵满嘅王祖蓝，身家愈来愈丰厚，可谓炒楼嘅表表者。早前佢斥资1亿6千万连扫3个大埔逸珑湾嘅豪宅单位，仲分别写老婆李亚男同细妹个名，屋企人个个有楼揸手，认真顾家。荣升1.6亿楼王嘅佢，一向认为买砖头系最好嘅投资，佢讲过：「我赚10蚊可能畀咗8蚊屋企人。（会再投资吗？）有机会想试少少，炒股票又冇时间睇，有可能都系物业比较多，买完唔使睇，只要睇入市时间啱唔啱，暂时唔会再入市住，谂吓先。」