男神林宥嘉拍片祝寿劲感动　邓小巧28岁生日望练出腹肌

刚踏入28岁的邓小巧，昨日（24日）在中环举行生日会，适逢新歌《两沟》，生日会亦将歌迷、电台听众、街上招来的市民「沟埋一齐」开party和玩游戏，有歌迷更带埋老婆仔女出席，全场大合唱生日歌和切蛋糕，非常热闹。小巧一心以为开party为歌迷搞搞新意思，结果反被唱片公司同事送上偶像林宥嘉的祝福视频和礼物而非常惊喜，仲感动到眼湿湿添！ 小巧表示一直以来生日都是与家人和相熟朋友，简简单单食餐家常便饭，平淡地度过生日。今年是她第一次搞大型生日会，感觉得新鲜和难忘。她说：「我咁大个女第一次同陌生人庆祝自己生日，有fans仲带一家大细嚟，好开心！仲有同事静静鸡叫咗我男神林宥嘉同我讲生日快乐，仲有亲笔签名后台证，好感动！今年生日愿望同往年一样，希望大家都身体健康！」

问小巧大一岁有甚么计划？她哈哈大笑，说：「其实一直都希望练出腹肌，但我实在太为食啦，加上近来生日好多饭局，好多朋友约我食食食，要等食晒啲生日饭就新重新操练，唔好话腹肌咁劲，练返啲腹部线条已经好好。」自称失晕鱼的小巧还大爆生日扮靓趣事，说：「因为要着呢条咁靓嘅红色裙，朝早突登攞对高踭鞋衬，点知嚟到换鞋先发现攞咗两只都系左脚，笑到肚痛之后仲要冲落街买对新鞋，今个生日好开心呀！」