李克勤红馆骚得两成座位公售　网民劲灰心：加场都咁少位嘅？

李克勤事隔6年再开个人演唱会，将于9月举行入行30周年纪念红馆骚，原定开4场，已加场一次，总共开6场。主办单位公开「绝望座位表」，网民只睇到一片漆黑，四面台大约有两成座位公开发售，已Hold起大量门票用作内部认购、信用卡优先订飞。

今日朝早10点公开发售门票，见到此情形，网民都表示灰心，大呻买飞很难，抢唔到靓位。有网民不解「加场都咁少位ge（嘅）？」同时有不少人投诉座位表黑得太过份，「差不多全黑，都唔知买嚟做乜」、「叫咩嘢做演唱会啫…改名叫私人派对，咁呢个派对就请左（咗）位歌星李克勤来表演唱歌3粒钟…个场黑成咁，记住带电筒…」、「不如全部黑晒佢」。