两兄妹好似样　张继聪放假约会小情人Karina

自从细女张靖（Karina）出世后，张继聪正式成为「痴汉」，难得昨日打风放假，张继聪可以约会「小情人」Karina，留喺屋企凑B。有得同Karina增进感情，冧滋滋嘅张继聪抱起囡囡合照，望实笑到好甜嘅Karina，父爱渗晒出嚟。

囡囡正面靓样首次清楚曝光，张继聪再接再厉po埋片，骚吓Karina嘅动态萌样，当听到爸爸问「今日开唔开心吖？」Karina有出声应张继聪，张继聪亦搞笑留言：「当你锺意讲嘢到达咗某个境界.....连两个几月大嘅女仕都会回应你」。唔少网民都觉Karina似哥哥张瞻同爸爸，好cute cute。