《诡探》异军突起　邵仲衡拍到热衷「茅山术」

以香港的「都市传说」作为蓝本的ViuTV剧集《诡探》，题材新颖，异军突起，甚至被网民投诉「唔够喉」。主角邵仲衡坦言对反应热烈感到意外，他认为此剧有自己的特质，不能用传统框框衡量，当初接拍便是被题材吸引，更拍到对「茅山术」产生浓烈兴趣。 《诡探》播出后大受欢迎，邵仲衡坦言对此感到意外，他透露最初接这剧是因为被题材吸引：「我系锺意佢讲一啲好地道、我地由细到大（听）嘅一些鬼故，但佢阵味好有深水埗、鸭寮街...嗰阵味，湿湿地又发霉，啲人个个都怪怪地、甩皮甩骨、岩岩巉巉嘅角色，我锺意咁样。」 不过，有不少网民投诉只播30分钟「到喉唔到肺」，问到假如自己是观众会否同样觉得太短？邵仲衡直言：「我唔会用呢个方式去谂，因为比较唔到。」他表示此剧有自己的特质，「我哋成日都讲话以往的制作嘅单位，或者视像上睇得到嘅都系啲旧式嘅方式，但点解我地仲要用旧嘅方式，嗰种嘅框架，或者嗰种嘅概念去衡量新嘅制作呢！」 邵仲衡又认为制作团队这决定不单只照顾传统依时间看的观众，亦在照顾以不同电子器材收看的观众，「有人系网上睇，即系所谓有人用电话睇，或者搭紧车嘅时候睇，或者去紧厕所嘅时候睇，咁佢唔觉得呢半个钟头嘅嘢系短。但的而且确我又系度幻想，我系屋企用电视预载App睇，我又的而且确觉得短喎，但我系度谂返我走去用我电话嘅话，玩下手20钟攞住，好快过。」

剧集题材新颖，当中泛及中国古老道术「茅山术」，邵仲衡透露期间师父或徒弟都会在场支援，而且他亦对「茅山术」这种奇怪又令人向往的古老学术，相当感兴趣，「好似《Harry Potter（哈利波特）》咁，佢自己创作咗啲嘢出嚟，行落去个月台嗰度搭火车，九又二分一（九又四分三）嗰个月台，唔系九唔系十。Boom一声要够胆撞埋去墙度，你惊道墙撼到你咪入唔到去罗。即系一啲make believe（令人相信）嘅嘢，但佢一定有佢嘅存在价值系度，如果唔系人地唔会觉得系有存在保留嘅价值。」 拍摄此类型的剧集，都会好奇期间会否有灵异事件发生，邵仲衡表示：「好顺利，现场可能有啲人嚟做嘢、嚟骚扰，好快搭下膊头咁乒呤唪冷就走咗去，无声无息好似好易解决。可能去到落紧雨嘅，担心拍唔拍到嘅，去到准备拍就自动停雨，好顺利！」听到其他演员说拍到灵异照片之类，他笑指：「始终系老掉牙的说话『信者有不信者无』。」