修身复出？谢安琪应承囡囡畀心机运动：以前我唔系咁圆辘辘肥嘟嘟

谢安琪（Kay）诞下细女张靖（Karina）后，一直留在家中凑女，加上要喂母乳，早已讲过唔减肥住。Kay产后圆辘辘未修身，近日终于订下减肥大计，今日她在社交平台上载Gym房相，囡囡Karina架BB车都入埋镜，为付出汗水的妈咪打打气。

努力减磅的Kay搞笑留言：「KaKaBall❤你真乖猪，特登嚟Gym为我打气。静静话你知吖……其实我以前唔系咁圆辘辘肥嘟嘟嘅……好！我应承你，我会比（畀）心机做运动，康复得更好。等你大个啲，我叫爸爸同哥哥教你玩好多好玩又健康嘅运动好吗？ #有位运动狂爸爸有好多野（嘢）玩 #哥哥也很爱运动 #如果你用在妈咪肚里日夜狂踢果（嗰）种拼劲运动应该会有一定成就」。 唔止Karina亲身去撑Kay，网民都留言打气，「畀心机呀，好欣赏你唔介意自己略胖，都以BB嘅需要同健康为首先」、「Kay妈加油呀」。同时有网民期待Kay为复出修身，为歌迷出新歌、唱好歌。