麦明诗抽水Sell阿妈做教育局长　麦太：唔好发梦谂住唔使畀家用

就盛传陈美龄获邀任新一届教育局长，麦明诗于脸书贴上有人留言「陈美龄有几个仔入史丹福？咁不如唔争在叫麦明诗阿妈嚟做……」的截图，之后她再留言「继续硬sell麦太系列」，说：「其实我阿妈真系ok㗎～后一届谂谂佢啦。佢虽然冇PhD，不过都有个外国大学嘅master of education，同埋有一本卖得唔太差嘅著作。仔女都系读政府津贴中学（我哋读嗰阵未转直资），个仔考香港AL入中大，个女考完会考之后去咗英国考高考，可以话系同时熟悉本地同埋外地嘅教育和考试制度，又识得鼓励子女多元发展。佢自己仲要系职业治疗师，又喺澳洲执业咗几年，specialise in儿科，治疗有学习障碍、自闭症、过度活跃、读写障碍等儿童，所以佢掌握唔同背景、能力嘅儿童嘅教育方法。最最最正系佢老公（即系我阿爸啦）麦卓生喺津贴中学做咗副校长多年，有实战经验，搵埋佢做副局长就冇得顶喇！咁我阿爸阿妈有高薪厚职，我就可以喺屋企un un脚唔使做喇！你话系唔系喇，麦何小娟！ FF完毕，继续返工。」 最正都系麦太神回应：「阿女唔好发梦，谂住唔洗（使）畀家用～」，网民纷纷赞好，「麦妈妈好嘢」、「你哋两母女好鬼可爱」、「撑啊，撑埋麦小姐做水务署长」。