暖男消防决定领养幼猫　直击猫B最新影片

洋名Kevin的郭姓消防员，爱心爆棚，不顾自身安危在公路停车救小猫，爱心感动无数网民。日前Kevin在facebook上撰文，称已将小猫交予「期待回家领养平台」在长洲的独立猫义工，又指不少网民向他查询领养事宜，让其感受「人间有爱」。不过爱心暖男，始终未能忘记这只跟自己十分有缘的猫，忍不住要自己收养，「由我去俾个家佢，」还取名狮子山的Lion，凌晨时份还把猫猫的片段，上载网上。 暖男消防Kevin撰文： 我都估唔到引黎咁大既回响，经过同屋企人既商议，会系屋企入伙既时候，领养猫猫，将呢个缘份延续落去，由我自己比一个家佢。 猫猫命名为Lion因为系狮子山隧道救佢番黎，中文名会叫露露（同音字）系取名老婆既M同我既W中问英文字R-再搵中文解释Road得出。 系到都要多谢咁多位有心人仕帮助多谢公司同事同上司既宽容同鼓励多谢F358师兄弟既支持（有你地真好） 最后一定要多谢系猫义工既专业帮忙，无佢Lion应该支持唔到我工作至放工，最后多谢各位有心人仕。 以下系真心说话黎，有心睇完岩既就分享，唔岩既当故仔就得。 老实我唔系一个充满爱心既人黎，但我相信大部份人都会珍惜生命，唔会见到有任何生命受威胁，而自己有能力都唔尝试去救，当然自己既安危都要顾及啦。 有好多人都想领养猫猫，多谢你地既大爱，但领养前谂一下系咪可以陪到佢最后，如果真系想帮小动物，相信除左领养会有其他既方法帮到佢地，咁我都唔再详谈呢一方面，因爲牵涉太多敏感话题。 按此进入网址