吴若希冲出嚟解画　网民劝何哲图室内禁烟

星梦老板何哲图（Herman）早前为郑俊弘与何雁诗急拆弹，坚称二人系朋友，岂料郑俊弘、何雁诗转个头即十指紧扣现身机场，公开认爱，激嬲Herman，继而煞停郑俊弘的工作。今日有报道指Herman一支公游旺角，更憔悴地扯烟，头痕公司旗下歌手恋爱大过天，锺嘉欣、吴若希亦因生B突然淡出，令Herman有感培育「仔女」后，却被欺骗。 吴若希为Herman急澄清，上载自己与Herman在办公室的合照，并冲出嚟认衰仔：「系我衰～ 系我果（嗰）日返公司探老板～ 又同老板食左（咗）个好丰盛既（嘅）Tea，呃吹水吹到7点几，搞到老板迟收工截唔到的士，就被人话佢憔悴煲烟！」 吴若希更Hashtag「#我老板张台有d（啲）乱 #乱中有序 #其实何生成日都系（喺）旺角 #次次都落街煲烟上的士 #古有清明上河图 #今有星梦何哲图」但吴若希出言解释又愈帮愈忙，有网民发现Herman的枱上面有个装了烟头的烟灰缸，便引用室内工作间禁烟条例，劝Herman戒烟兼多加留意条例。