Kelly Online：九龙塘糖葱饼伯伯离世　网民：伯伯笑容无价

「好好食，唔买就走宝」每次由港铁九龙塘站去又一城商场经过天桥，都听见到一对公公婆婆卖潮州糖葱饼。有网民喺Facebook出Post指，糖葱饼伯伯喺3月11日过身，只剩婆婆开档，呼吁网民帮衬婆婆，俾佢关心之馀亦帮佢度过难关。 Facebook专页「名校 Secrets」噚日上载伯伯嘅黑白相，话佢已经系月初离世，而婆婆喊咗好多日，直到噚日先开翻档。 有网民分享佢被糖葱饼伯伯感动嘅经历，「话说前年冬天得一两度，有次行过见到个后生仔同伯伯讲话要60个糖葱饼，伯伯起初仲以为系六个，但当佢知道系60个嘅时候，佢好开心，跟住企左起度密密整，佢知道有人欣赏佢嘅糖葱饼流露嘅笑容系无价，半个钟之后个后生仔返到嚟拎，而一袋袋嘅糖葱饼已经准备好。呢个时候伯伯又企系身整多左一个俾个后生仔，佢笑笑口咁话『比你一路行一路食』当时个后生仔好感动。」 嗰名网民仲话：「几蚊一个糖葱饼 对其他人黎讲 或者唔系啲乜 但对伯伯黎讲 就近乎系佢既全部」。