谢安琪未入院生B　张继聪报料：太太仍然喺屋企行嚟行去

谢安琪（Kay）去年4月开骚后，宣布暂别乐坛，至去年9月中再报佗B女喜讯。数数手指，Kay随时生得，日前有指Kay同老公张继聪，已计划在沙田仁安医院开刀生第二胎，张继聪亦一早讲明拍紧剧都「走佬」陪产。 今日依然未有任何消息，张继聪在面书表示有不少记者朋友询问，并搞笑指老婆「依刻仍然优雅咁喺屋企行嚟行去」。张继聪更窝心报料，叫守候在医院的传媒可以先收工。 张继聪留言道：「事源（缘）之前有报导（道）话我嘅囡囡今日出世，搅到我个心都离一离，继而依两日收到好多记者朋友嘅询问。多谢大家嘅关心，明白，收到哂。不过今日我仍然要继续工作，太太依刻仍然优雅咁系（喺）屋企行嚟行去....辛苦所有系（喺）医院等我地（哋）嘅记者朋友，辛苦唒（晒）要大家白走一趟。快d（啲）叫你地（哋）阿头比（畀）你收工啦。话哂（晒）星期一，应该hea得就hea。最后，小朋友嘅来临系人生最幸福嘅事，我同太太好多谢大家祝福，囡囡出世，一定会同大家分享喜讯。」