Kelly Online：欲购从速！戏院情人节特别场「单丁位」卖剩两个

听日就系情人节喇！有情人嘅当日就sweet sweet啦！不过班「小独毒」就……唔惊唔惊！其实情人节唔一定变愁人节嘅！一个人都可以有好多节目架！ 呢几年都有「死死团」发起「买单丁位」行动，令情侣们无得买「孖位」睇戏，誓要赶绝情侣放闪！有戏院就「顺应潮流」，索性搞个「情人节气魄更壮♥特别场」，摆明只卖「单丁位」，包你见唔到情侣咁话。 之不过咁喎！要观众自认「小独毒」，又唔可以「拆散鸳鸯」，会唔会有人买票架？呢层就唔使担心，因为担心都无用，特别场戏票今朝已经卖剩两个位喇！ 有网民话，呢间戏院嘅marketing都几醒！畀「小独毒」发泄怨气之馀，又可以限制佢哋睇「非爱情类」嘅《LEGO®蝙蝠侠英雄传》，又唔见佢推《格雷的五十道色戒2》咁话喎！亦有网民话，其实戏院都系搞吓噱头，等无拖拍嘅人可以有活动玩，唔好咁阴谋论喎！