明日入伍　T.O.P腾云驾雾食烟：Good bye Seoul

韩国天团BigBang老大T.O.P明日入伍做义务警察，想再见BigBang五子合体演出就要等两年后。日前T.O.P讲过太挂住队友，决定不告而别，搞到G-Dragon同太阳纷纷求见面。 T.O.P倒数十几粒钟就去当兵，热爱玩Instagram的他Keep住有更新，原来昨日他已搞告别派对，有鲜花又有蛋糕，蛋糕上面仲有警察造型的公仔作装饰。今日T.O.P又有乜做？见佢上载美食相，睇嚟都系擦返餐「最后晚餐」，仲晒埋腾云驾雾食烟相，同大家讲声「Good bye Seoul.」粉丝清一色洗板留言「等你回来」，挂死粉丝啦。