阿Sa睇BigBang骚见晕　提早孖马天佑搭小巴闪人

韩国天团BigBang今晚在启德邮轮码头开户外骚，身为BigBang粉丝的蔡卓妍（阿Sa）都有去朝圣，佢坐专车入场，唔洗排队排餐死。 不过阿Sa捱住病都去睇骚，仲自爆争啲晕低兼早走，佢喺社交平台留言：「有史以嚟睇得最辛苦嘅一埸演唱会....今日本身自己有啲唔舒服...头先睇睇吓show争啲晕低....唯有早走....行咗好远终于搵到小巴....但都等咗一阵先至有车...见到隔离等的士嗰啲人就惨喇....半个钟都冇一架的士....唔知而（依）家散咗场有冇多番（返）啲车呢？#最难忘睇演唱会经历 #bigbang #阿TOP好靓仔」 最后阿Sa与同行好友马天佑齐齐搭小巴闪人，不过阿Sa下次咪制啦，晕低咗实担心死粉丝。