王菀之演唱会2025丨Ivana 11年后再登红馆 邀张敬轩合体相拥而泣 刘德华亲自到场支持

王菀之（Ivana）睽违11年再登红馆，昨晚举行纪念入行20周年的《合体–王菀之演唱会2025》。这晚特别邀请灵魂伴侣张敬轩「合体」，而刘德华、炎明熹、谢安琪、张继聪、GinLee、白只、阿卵、梁仲恒、梁祖尧、汤骏业等好友均到场支持。

跳现代舞获得热烈掌声

开场时Ivana已讲明，团队上下一心、想做一个非一般的红馆骚，她第一首歌开始全场就已经企晒起身，接着投入音乐世界当中，一口气唱了11首作品。第二部分，Ivana又一口气唱了11首歌，当中包括有自弹自唱，又单独跳了一part现代舞，引爆热烈掌声及欢呼声。唱了11首歌后，Ivana跟观众打招呼，「我唱得咁落力，其实都可以唞少少罗...」观众狂欢呼拍手不停，大叫「好靓呀你！」「好瘦」「好正」，Ivana饮住水突然就话，「我饮水浊亲，养生咁耐竟然系饮水浊亲....唔冻唔热系容易浊亲，唔系40岁以上先系咁...」可爱行为逗得观众狂笑不止，「多谢大家来到合体演唱会！又到咗我全晚最惊嘅环节啦....就系讲嘢...」对于观众大叫好瘦呀，Ivana回应，「你打比我教练啦，佢辛苦过我，佢train我之后，佢瘦咗。」又引得大家笑声不断。

Ivana透露团队上下一心、想做一个非一般的红馆演唱会！

Ivana投入音乐世界当中。

Ivana一口气唱了11首歌。

Ivana亦有自弹自唱。

Ivana嘅吉祥物。

Ivana单独跳了一part现代舞。

Ivana获观众大赞「好瘦」，她笑说：「我教练辛苦过我，佢train我之后，瘦咗。」

Ivana感动表示没有大家的支持，好难开到红馆演唱会。

刘德华、谢安琪、张继聪都有到场支持Ivana。

Gigi炎明熹都有支持！

Ivana为梦想努力奋斗

Ivana又举起V字手势，笑道：「其实我想V，但系咁啱又系2，20年啦！我相信系红馆开个唱嘅唱作歌手唔系好多，而女性唱作人就可能更少....」观众即报以热烈掌声及欢呼声，「大家唔好误会，我唔系赞自己，我唔系赞自己，我唔系赞自己....」而热烈掌声及欢呼声就成分钟就冇断过， Ivana继续说：「我想话，冇你地每一个支持，我又点能开到红馆演唱会呢？你哋嘅支持系令我最感动系，我代表我哋成个精英云集嘅团队，多谢大家。我哋成个团队都系有梦想嘅人，为梦想努力奋斗。」之后，她唱出成名作《我真的受伤了》。

与张敬轩演绎哭泣版《下次爱你》

至于第三部份，台面出现两张对坐椅子，Ivana表示，「以下环节，我都唔想多讲啦」然后观众已经疯狂欢呼，「系好特别，呢首歌送比现场每一位，送比我自己，亦送埋比佢。」继而灵魂伴侣张敬轩升台，两个人都静默状态，观众无敌的欢呼大嗌成分钟，两人都唔敢讲嘢，唔敢对视，每一个现场观众，由两人的行为，都感觉到轩仔及Ivana两人珍视对方的感情，张力之大非笔墨可以形容，《下次爱你》音乐响起，Ivana已经忍不到开始喊，轩仔跟住决堤。只有歌声，无过往演唱会嘉宾式对话演绎，轩仔唱完即降台，为大家带来喊住唱的合唱版《下次爱你》，令现场唔单止两人喊，不少观众都被感动得热泪盈眶。唱毕两人互相拥抱，继而轩仔吻了Ivana一下才离开。而2人这次合体，亦令不少歌迷联想起佢哋坐低对望对唱，同行为艺术家教母 玛莉娜・阿布拉莫维奇（Marina Abramovic）及旧恋人兼创作夥伴乌雷（Frank Uwe Laysiepen）喺「The Artist Is Present」嘅一幕。

张敬轩与Ivana升上台，两个人都静默状态。

两人合唱《下次爱你》。

两人合体更相拥而泣。

真系令人好感动！

唱毕两人互相拥抱。

Ivana与团队一起感谢现场观众。

Ivana最后自弹自唱了半首《面具》。

杨千嬅到后台与Ivana合照。

刘德华亲自到后台支持 Ivana。

Ivana自弹自唱半首《面具》

今次开骚Ivana一早讲明无准备encore环节，但最后一首歌《小侠》结束后，观众已不停狂叫，完场后亦不肯离开，狂叫近五分钟，最后Ivana一个人走出来，手握电话说，「多谢你地，我有少少惊，我冇预encore嘅……好多谢你哋咁热烈同鼓励我出返嚟， 我点解带电话，一系你哋话我听你想听咩，我惊我唔记得歌词，我成日觉得encore 要系真嘅，如果冇人嗌就唔好出嚟，所以冇预就冇准备定啦。」此刻歌迷不停狂叫歌名，最后Ivana拣了自弹自唱半首《面具》，笑言有20年没唱，直认紧张。