张驰豪踏入30岁被兄弟逼搞寿宴 冼靖峰林智乐望「声梦」拍旅游节目丨独家

张驰豪（Aska）、冼靖峰（Archie）和林智乐（Felix）回顾龙年做了多个新尝试，兼得到奖项，过得相当充实。展望蛇年，他们除了想歌影视都有不同机会外，3人都希望「声梦1」能齐齐拍游游节目，仲度好晒形式想向公司建议，而3月5日满30岁的Aska，竟被2位兄弟疯狂逼他大搞生日会，相当搞笑！采访：杜杜 摄影：朱伟彦 发型:Hugo Poon@PRIVATE i salon(Archie) 化妆:King yip@ kingsmakeup(Archie)

3个好兄弟一齐即鸡啄唔断，他们还约定以后「声梦」每个成员踏入30岁都要大搞。

3个好兄弟一齐即鸡啄唔断，他们还约定以后「声梦」每个成员踏入30岁都要大搞。

3个好兄弟一齐即鸡啄唔断，他们还约定以后「声梦」每个成员踏入30岁都要大搞。

Felix 新一年目标除了多做歌外，还想参加更多音乐综艺，因获益良多，「参加《声生不息·大湾区季》令我识多咗好多前辈，我好想识更多呢个行业嘅人，想有多啲交流，我会吸收得最快。」Archie 去年有不少作品推出，今年他就希望集中火力创作歌曲，「踏出第1步系最难，其实我1年前已经想做，但总觉得唔会作到啲好嘅嘢，一路唔实行，后尾谂通咗作第1、2首未必好好，但作到100首质量点都会慢慢变好，所以唔好谂作咗出嚟先啦！」

Felix好希望有机会唱电影歌曲，今年亦会努力作曲。

Felix在新城颁奖礼，夺得「劲爆跃进男歌手金奖」。

已准备好出跳唱歌的Archie，想今年再参加音乐综艺节目。

在新城颁奖礼，Archie夺得「劲爆跃进男歌手铜奖」。

写计划书交畀公司

Archie和Felix异口同声，希望今年《声梦》有机会一齐拍节目，Aska提议开个游游节目，「叫《声梦旅行团》或者《声梦环游世界100日》。」Felix甚至认为应该做首个长寿旅游节目，「可以拍足1年，每个星期去唔同地方，大家好似跟团咁边个得闲就报名，边个有嘢做就返香港先。」他还认为可参考外国节目，「个音乐节目好得意，一班歌手去旅行，去到某个地方就搞个骚，我哋都可以咁喎！」Archie主动请缨写计划书，「由Aska负责交上去，我哋15个去晒搵高层请求。」

他们希望继《声梦1+2》后，一班好朋友可一齐开工。

他们认为「声梦」成员因太有默契，拍节目不用稿亦自然有化学作用。

Aska今年最希望有机会拍电影，原因同爸爸有关，「除咗好奇拍电影系点，仲因为我爸爸好锺意睇戏，仲会入戏院食住爆谷睇，如果畀佢喺戏院见到我应该好正。」下月满30岁的他，仲想这段日子再努力点，「趁住身体仲顶得住，就要冲多啲。」Archie和Felix劲兴奋建议他要大搞生日会，Felix更要叫齐「声梦」兄弟姐妹出席，「30大寿一定要搞，仲要好盛大。」Archie仲谂好生日礼物，「我想送原条吞拿鱼畀你，搵埋师傅即场劏，够畀晒全场人食。」见两兄弟盛意拳拳，Aska无奈话：「我考虑吓啦！如果你搞到条吞拿鱼返嚟话你叻！」

去年甩拖的Aska，未心急今年再拍拖，一切顺其自然。

Aska在万千星辉颁奖典礼，得到「最佳男新人」。