新春搭港铁遇「鎅袋党」 新衫衣袋「哈哈笑」 慈父失4位数字大利是｜Juicy叮
2025-02-01 10:53
一家人农历新年大年初二去拜年，一家之主却在搭港铁期间惨遇「鎅袋党」，新衫衣袋被割破成「哈哈笑」状，袋著的大利是遭偷走，破新年财高达4位数字。
事主女儿日前透过社交平台Threads发文讲述事发经过，网民同情之馀还排队诉苦，大爆过往倒楣遇上贼人的经历，有人当街被拉开背囊拉链，有人连几十元的櫈仔也都被偷走。
相关阅读：「鎅裤党」西湾河出没 港男屁股开花 网民细数贼人6大落手热点
农历新年搭港铁遇「鎅袋党」逐张睇 ＋ 网民警惕↓↓↓↓
绒衫外套拉鍊衣袋捱鎅
楼主发帖指：「真心好嬲。依家经济真系差到咁样咩？大年初二去拜年！我Daddy（爸爸）搭地铁嘅时候竟然俾人偷利是！新衫俾人鎅开个大窿！仲要个利是系大利是，咁就无咗几千蚊。
以前香港点会发生咁嘅卑劣无耻嘅事，好人好物新年流流偷嘢，真系祝呢啲偷嘢嘅人去屙屎无厕纸！大家出门一定要小心！保管好财物！唔好睇趣（社交平台Threads）睇得太入迷！」。楼主在回应栏补充，捱鎅的是「绒衫外套两边嘅袋，有拉鍊」，并自爆「我系00后，我嘅以前系20年前到十几年前呢段时间」。
相关阅读：「扒手党」入侵大埔 小偷接连从后开背囊 街坊提醒呢个位高危
农历新年搭港铁遇「鎅袋党」逐张睇 ＋ 网民警惕↓↓↓↓
好心网民教路抗贼
有好心网民于是挺身教路抗贼，指「所以我永远放重要财物喺身体前方贴身袋好，绝对唔俾贼人有机可乘」，醒目的楼主原来也会呢招，回应指「多谢你提醒，的确放喺前方嘅袋，地铁太逼，我哋大意无发现」。
有人估计「（贼人）应该跟咗你一阵先知鎅边个位」，另有人呼吁「大家喺街见到都真系要出声，习惯咗唔出声，下一个受害就系你／你身边嘅人，唔好怕事」。
相关阅读：荃湾猖狂「扒手党」 当街开背囊偷嘢 网民列出两大出没热点
农历新年搭港铁遇「鎅袋党」逐张睇 ＋ 网民警惕↓↓↓↓
网民诉苦分享遇贼经历
说著，原来不少人也曾遇上或听闻「鎅袋党」或「扒手党」等劣行，指「鎅袋呢家嘢一向都有，只系无发生过喺你身上啫」，网民接著排队诉苦，让大家引以为鉴：
•「我屋企长老，噚日先俾人用同样手法俾人鎅衫袋！而家无晒啲证件！睇嚟佢哋系一班人同时出动！大家小心！」、
•「小心呀，文雀好专业。我90年代喺油麻地被鎅袋，仲要个袋系新买。没有唔见钱」、
•「文雀无情无义无人性，记得之前就是有人识穿贼仔手揿住袋保不失，被个贼用刀片直接鎅面留劲长疤，但竟然逃去无终」、
•「唔系讲笑……早前用紧平价电话用咗两年几……唔值钱㗎都俾人偷……再上几个月，几十蚊櫈仔用咗好多年㗎……都俾人偷」、
•「大家真系日日都要小心，我妹喺街行都俾人开背囊拉鍊，佢觉得后面有扯力，及时喝停佢，拉鍊已开1/3」、
•「其实地铁一直都系咁多小偷。十几年前......本人准备落车嗰下，放个银包落个袋底，踏出车门已经无咗个银包......」、
•唔止地铁，尖沙咀／旺角嗰啲条街劲多人嘅地方都愈嚟愈危险。上年年尾先喺尖沙咀俾人拉开袋嘅拉链偷Airpods（无线耳机）、
•「我试过俾人开背囊拉鍊，俾我发现然后大声小（闹）佢，虽然佢未偷到我嘢，但已足够令周围啲人望住佢，佢够胆话返我转头，但系我越小佢佢越走得快，然后有个女人捉住我问我做咩事好似好关心我咁，其实我估系想拖住我等个男人可以走，所以大家小心，佢哋有机会唔止一个人！而且会搵啲Cam（摄影机）影唔到嘅位」。
网民安慰当破财挡灾
说过不愉快事件，网民都正面地往好处去想，安慰楼主当破财挡灾：
•「把刀利到咁，无俾佢界亲就当破财挡灾」、
•「破财挡灾，今年一定行大运，佢今年Ｘ硬街」、
•「同你挡灾，把你们所有不好的完全拿走了，新年全新的开始，健康长寿喜乐，同时亦当布施吧…… 」、
•「唯有向好方面谂，破财挡灾，当俾佢（小偷）睇医生。最紧要人（你Daddy）无事。新一年，新年快乐」。
最新回应