Jay Fung自认唔知「碌柚叶」用途 Cloud自爆盆菜连食3日 黄淑蔓揭妈妈包开心果饺子
2025-01-30 17:15
「唱作王子」冯允谦(Jay)率领两位美女,「寰亚孻女」黄淑蔓(Feanna)和「仙气女神」云浩影(Cloud)向大家拜年,祝各位财源滚滚、身体健康!在外国长大的他对农历新年传统习俗一知半解,连「碌柚叶」都未听闻,Feanna和Cloud立即为他恶补。
Jay Fung想加汉堡落盆菜
捧著「财神」的Jay说:「祝大家新一年赚多啲,我希望自己事业再上层楼,写多啲好歌、唱多啲好歌畀大家听。」Cloud拿著挥春说:「我手上『大吉大利』挥春,寓意我开『大』啲嘅骚,然后出『大』碟,赚『大』钱唱『大』歌,盆满钵满,所有嘢都『大』!」Feanna就像醒狮一样调皮可爱,她笑说:「祝大家好似醒狮一样龙马精神、画『蛇』添福。我系蛇女,今年犯太岁,大家都记得要去摄太岁!我蛇年心愿,就希望可以做晒佢哋两个(Jay和Cloud) 嘅愿望!」
每个家庭都各有农历新年小习俗,Feanna期待吃妈妈下厨整水饺,她说:「每年都会同爸爸妈妈一齐倒数迎接年初一。妈咪每年都会包饺子,喺其中一粒饺子入面放开心果,边个食到就嗰年会好幸运。另一个习俗就系初一唔准洗头,好辛苦呀!」Cloud说:「我屋企唔准冲凉,话会洗走运气。」Jay说:「我仲知道唔可以剪头发。」问Jay知否「碌柚叶」用途?Jay表示不知道,Feanna说:「年廿八要连埋碌柚叶一齐冲凉,可以洗走衰运。」Cloud抢答:「坊间有碌柚叶嘅沐浴露,唔使真系揸住碌柚叶冲凉啦!」
除了打扫清洁的习俗,Cloud表示屋企新年一定食盆菜,而且会订两大个,由年卅晚间食到年初二,还会不停加入食物,最终变成打边炉,而她最爱吃瑶柱,笑言:「因为瑶柱会煮到散晒,所以我一开始就食晒啲瑶柱。」Jay笑眯眯说:「我最锺意食虾,因为我锺意笑哈哈。」Feanna说:「我锺意食发菜,因为我锺意发财,其实我哋锺意『食字』!」 如果要放一样喜爱的食物入盆菜,Jay立即说:「我最锺意食burger,但点样放入盆菜?」Feanna笑指劲违和。
最新回应